លោក Arsene Wenger បានបញ្ជាក់ឲ្យដឹងថា ក្លិបកាំភ្លើងធំ Arsenal អាចចាយលុយ៨០លានផោន ដើម្បីទិញកីឡាករ Radamel Falcao ខណៈក្លិបចង់កែប្រែគោលនយោបាយត្បិតត្បៀតចំណាយក្នុងរយៈពេលប៉ុន្មានឆ្នាំចុងក្រោយនេះ។
អ្នកចាត់ការ
ដែលកំពុងស្ថិតក្នុងសម្ពាធពីអ្នកគាំទ្រ
ក្រោយពីខកខានបានពានជាយូរ
និងជាពិសេសគឺក្រោយពីទទួលលទ្ធផលមិនល្អក្នុងប៉ុន្មានប្រកួតចុង
ក្រោយនេះ
រំពឹងថានឹងអាចទទួលខ្ទង់ចំណាយធំនៅរដូវក្ដៅខាងមុខនេះ។
Falcao (ឆ្វេង)
លោកបានបញ្ជាក់ថា Arsenal
អាចផ្ដល់តម្លៃខ្លួនចំនួន៤០លានផោន ប្រសិនបើ Atletico Madrid
យល់ព្រមលក់
ហើយអាចនឹងផ្ដល់ប្រាក់បៀវត្សដល់កីឡាករវ័យ២៧ឆ្នាំរូបនេះ
ចំនួន៤០លានផោនថែមទៀត។
អ្នកចាត់
ការសញ្ជាតិបារាំងបាននិយាយថា៖ “យើងអាចធ្វើបាន (ទិញ Falcao)។
ប្រសិនបើយើងរកឃើញកំពូលកីឡាករដែលមានគុណភាព យើងនឹងទិញពួកគេ។
យើងនឹងខ្លាំងជាងនេះ ប្រសិនបើយើងអាចចំណាយលុយ។ តាមពិតទៅ
យើងចង់ចាយលុយ តាំងពីថ្ងៃគ្រីស្ដម៉ាស់ឯណោះ តែពេលនោះ
យើងមិនអាចរកកីឡាករដែលយើងចង់បាន”។
កាំភ្លើងធំខកខានលើកពានណាមួយ ចាប់តាំងពីឈ្នះ FA Cup ឆ្នាំ២០០៥មកម្ល៉េះ ពោលគឺអស់រយៈពេល៨ឆ្នាំមកហើយ។ ប្រិយមិត្ត សាកទាយលមើល៍ ថាតើ Arsenal អាចទិញ Falcao បានឬអត់ ខណៈក្រុមខ្លាំងផ្សេងទៀត ដូចជា Man City ជាដើមនោះ សុទ្ធតែចង់បានខ្សែប្រយុទ្ធសញ្ជាតិកូឡុំប៊ីនេះដូចគ្នានោះ?