ក្រុមស្ដេចស Real Madrid បានយកឈ្នះម្ចាស់ផ្ទះអ្នកមានបុណ្យ FC Barcelona ៣-១ ក្នុងជើងទី២នៃពានរង្វាន់ Copa del Rey នៅកីឡដ្ឋាន Nou Camp យប់មិញដែលធ្វើឱ្យពួកគេឡើងទៅវគ្គផ្ដាច់ព្រ័ត្រជាមួយនឹងជ័យជម្នះគ្រាប់បាល់សរុប៤-២។
ខ្សែប្រយុទ្ធជម្រើសជាតិព័រទុយហ្គាល់ Cristiano Ronaldo រកបាន២គ្រាប់ក្នុងការប្រកួតនេះ ស្របពេលខ្សែការពារ Raphael Varane ដែលជាអ្នកតែតបាល់លើកចេញពីជ្រុងយកស្មើ Barca
នៅជើងទី១
រកបានគ្រាប់បាល់ដោយការតែតបាល់ជ្រុងដូចគ្នាមួយគ្រាប់ទៀត
មុនពេលខ្សែការពារ Jordi Alba
រកបានគ្រាប់បាល់លួងចិត្តសម្រាប់ក្រុមម្ចាស់ផ្ទះនៅចុងតង់ទី២។
Ronaldo ត្រូវអតីតមិត្តរួមក្រុម Gerard Pique ធ្វើឱ្យដួលក្នុងប្រអប់គ្រោះថ្នាក់
ក្រោយចាប់ផ្ដើមកែបាល់បានបន្តិច កីឡាករលេខ១ពិភពលោក៤ឆ្នាំជាប់គ្នា Lionel Messi ស៊ុតមួយជើងកាត់មុខទីរបស់ Real Madrid។ ប៉ុន្តែកីឡាករតម្លៃខ្លួនថ្លៃជាងគេបំផុតលើលោក Ronaldo
ឯណេះទេដែលជាអ្នកបើកឆាកគ្រាប់បាល់បញ្ចូលទីដោយការទាត់បាល់
ពិន័យ១១ម៉ែត្រនៅនាទីទី១៣បន្ទាប់ពីអតីតមិត្តរួមក្រុមដែលធ្លាប់
លេងជាមួយគ្នានៅ Manchester United គឺខ្សែការពារ Gerard Pique
ទាក់ជើងឱ្យដួលក្នុងប្រអប់គ្រោះថ្នាក់។ Ronaldo បញ្ឆោតឱ្យ Pinto
ហក់ខុសទិសដៅបានយ៉ាងល្អ។
គ្មានការរបូតគ្រាប់បាល់បន្ថែមទៀតឡើយនៅតង់ទី១
បើទោះជាក្រុមទាំងពីរមានឱកាសទៅវិញទៅមកក៏ដោយ។
មានគេបាញ់ឡាស៊ែដាក់មុខរបស់ Ronaldo
ចូល
ដល់តង់ទី២ ជាមួយនឹងយុទ្ធសាស្ត្រវាយបកលឿនៗ ខណៈកីឡាកររបស់
Barca កំពុងកកកុញនៅខាងទីរបស់ Real Madrid ខ្សែបម្រើ Xabi Alonso
កាត់បាល់បានហើយប៉ះឱ្យ Sami Khedira រួច Khedira
បញ្ជូនបាល់វែងទៅឱ្យ Angel Di Maria ដែលរង់ចាំនៅខាងលើ។
ខ្សែបម្រើស្លាបជម្រើសជាតិអាហ្សង់ទីនរូបនេះអូសបាល់ចូលប្រអប់
គ្រោះថ្នាក់ញាក់ដាច់ខ្សែការពារ Carles Puyol
រួចស៊ុតសំដៅទីតែត្រូវ Pinto ទះបាល់ចេញដូចហុចដងឱ្យ Ronaldo
ថែមបញ្ចូលទីយ៉ាងងាយនៅនាទីទី៥៧។
Ronaldo ថែមគ្រាប់ទី២ឱ្យ Real Madrid នៅនាទីទី៥៧
ក្ដី
រំពឹងរបស់ក្រុមលោក Tito Vilanova
បានក្លាយជាផេះផង់នៅពេលដែលខ្សែការពារជម្រើសជាតិបារាំងវ័យ១៩
ឆ្នាំ Raphael Varane
លោតយ៉ាងខ្ពស់ផុតពីដីតែតបាល់ដែលលើកចេញពីជ្រុងខាងស្ដាំដោយ
Mesut Ozil ចូលកែងខាងលើនៃបង្គោលទី១យ៉ាងស្អាត។
Raphael Varane ហក់តែតគ្រាប់ទី៣ឱ្យក្រុមភ្ញៀវ
ទាល់
តែនាទីទី៨៩ទើបក្រុមម្ចាស់ផ្ទះបំបែកពងមាន់ក្រុម Real Madrid
បាន១គ្រាប់ដោយខ្សែការពារ Jordi Alba
ប៉ុន្តែអ្វីៗហួសពេលអស់ទៅហើយ។
លោក Sir Alex Ferguson និងជំនួយការ Mike Phelan ទៅមើលរបៀបលេងរបស់ Real Madrid នៅ Nou Camp
ក្រុមរបស់លោក Jose Mourinho នៅរង់ចាំអ៊ុតមើលលទ្ធផលរវាង Sevilla
និង Atletico Madrid
យប់នេះដើម្បីដឹងថាក្រុមណាជាអ្នកប្រជែងជើងឯកជាមួយខ្លួននៅវគ្គ
ផ្ដាច់ព្រ័ត្រ ខណៈ Atletico Madrid នាំមុខ ២-១ កាលពីជើងទី១៕
ចុចត្រង់នេះដើម្បីមើលវីដេអូ