៣ចំណុច ជំរុញការចងចាំរបស់កូន

ភ្នែក ជាចំណុចចាប់ផ្តើមនៃការស្វែងយល់ ក្នុងវ័យកុមារ អ្វីៗដែលគេមើលឃើញ នឹង​រក្សាទុកជាទិន្នន័យ ហើយនៅពេលធំឡើង កុមារនឹងទាញយកទិន្នន័យទាំង​នោះ​​ទៅ​ប្រើ។ ជាមួយគ្នានេះ ឪពុកម្តាយ​គួរជំរុញ​​ការរីកចម្រើន ផ្នែកការចងចាំ​របស់កូនតូច តាម៣ចំណុច​ខាងក្រោម​...។

­-ការចង្អុលបង្ហាញ ៖

ពេលទៅណាមកណា មាតាបិតា គួរចង្អុលបង្ហាញឱ្យកូនតូចមើលជុំវិញខ្លួន ដូចជា “នេះ​ហៅថា សត្វព្រាបណាកូន! មើលស្លាប​របស់វា មានពណ៌ក្រហម អុជខ្មៅ ថែម​ទាំង​​​​អាចហើរបានទៀតផង” ជាដើម។ ​នៅពេលកូនតូច បានឃើញ​សត្វ​នោះ​ម្តង​ទៀត គេនឹងចាំបានថា នោះគឺជាសត្វអ្វី។

-កិច្ចការជំរុញការចងចាំ ៖

ការចេញទៅដើរក្រៅផ្ទះ នឹងជួយឱ្យកូនតូច បានប្រើខ្សែភ្នែកមើលជុំវិញខ្លួន និង​​ចង​ចាំ​​​​បានច្រើន ចាត់ទុកជាការបើកទូលាយពិភពលោកឱ្យកូន ហើយពេលត្រឡប់​​​​មក​វិញ បើឪពុកម្តាយ​បបួលកូនឱ្យ​គូររូបដែលបានឃើញ ក្នុងថ្ងៃនោះទៀត នឹង​​កាន់តែ​​​ជួយជំរុញកូន ឱ្យមានការចងចាំបាន​ល្អថែមទៀត។

-អាហារ ៖

សារធាតុអាហារផ្សេងៗ មានសារសំខាន់ ដល់ការចងចាំរបស់កូន ពិសេស បន្លែ​ពណ៌​បៃតង នឹង​ជួយជំរុញការវិវឌ្ឍន៍របស់ខ្សែភ្នែក និង ការមើលឃើញ​​របស់កូន ឱ្យបានកាន់តែ​ពេញលេញថែមទៀត រួមទាំងការទទួលទាន​​​​អាហារ​​​គ្រប់ទាំង​៥ក្រុម ក៏នឹងជួយជំរុញឱ្យ​ការវិវឌ្ឍន៍​គ្រប់ផ្នែក​ លូតលាស់​​សម​នឹងវ័យរបស់ខ្លួន។ កែវភ្នែក​ធ្វើការ​បានល្អ រាងកាយធំធាត់ និងខួរក្បាល លូតលាស់ល្អ​ សមនឹងវ័យ នឹងពុំមាន​ឧបសគ្គអ្វីដល់ការ​រៀនស្វែងយល់​​ពិភពលោក របស់​កូន​នោះទេ៕