Chea Sophanith

18.4.13

ធ្វើដូចម្តេច ដើម្បីកំចាត់ក្លិនស្អុយ ជាប់មកពីទ្រនាប់ជើង?

Written By Unknown on Thursday, April 18, 2013 | 18.4.13

វាជារឿងដ៏គួរឱ្យអាម៉ាស់ ចំពោះក្លិនស្អុយនៃជើង ដែលជាប់មកពីទ្រនាប់ជើង ។ វាគ្មានអ្វីដែលគួរឱ្យស្រឡាញ់ចំពោះក្លិនស្អុយនៃជើង ដែលជាប់មកពីទ្រនាប់ជើងនោះឡើយ។ អាចនិយាយបានថាវាជារឿងដ៏គួរឱ្យអាម៉ាស់ ហើយមានមនុស្សម្នារជាច្រើន បានព្យាយាមយ៉ាងខ្លាំងក្លា ដើម្បីកំចាត់ក្លិន ដ៏អាក្រក់ទាំងនោះ។

ក្លិនស្អុយនៃស្បែកជើងនោះ អាចបង្ករឡើង ដោយមូលហេតុខុសៗគ្នា ជាច្រើន ប៉ុន្តែនៅក្នុងអត្ថបទនេះសូមលើកឡើងនូវវិធីមួយចំនួន ដើម្បីកំចាត់ក្លិនស្អុយនៃទ្រនាប់ជើង។

អ្វីដែលអ្នកនឹងត្រូវការប្រើប្រាស់ ៖

- ម្សៅកូនក្មេង
- ម្សៅសូដា

វិធីសាស្ត្រអនុវត្តន៍ ៖

១. រក្សាទ្រនាប់ជើងកីឡារបស់អ្នកឱ្យស្ងូតុ បង្ហុយម្សៅកូនក្មេងដាក់ មុនពេលអ្នកពាក់វា។
២. បន្ទាប់ពីអ្នកដោះទ្រនាប់ជើងនាពេលល្ងាច បន្ទាប់ពីត្រលប់មកពីកន្លែងធ្វើការ ឬដើរលេង ឬមកពីសាលារៀន។ល។ ចូរ រោយម្សៅសូដា ទៅក្នុងស្បែកជើង ដោយដាក់នូវចំនួនដែលគ្រប់គ្រាន់ សម្រាប់អ្នកអាចក្រឡុកយកម្សៅខ្លះ ចេញវិញ នៅពេលព្រឹកព្រលឹម មុនពេលអ្នកពាក់ស្បែកជើង ជាការស្រេច ៕

7.4.13

Skype ជាភាសារខ្មែរ

Written By Unknown on Sunday, April 7, 2013 | 7.4.13

យុវជនខ្មែរមួយរូបបានបកប្រែកម្មវិធី Skype ដែលប្រើប្រព័ន្ធប្រតិបត្តិការ Android ឲ្យមានជាភាសាខ្មែរបានដោយជោគជ័យ បន្ទាប់ពីគាត់ចំណាយពេលទំនេររបស់ខ្លួនធ្វើការស្រាវជ្រាវកន្លង មក។

Click Here to Download

27.3.13

Template Website

Written By Unknown on Wednesday, March 27, 2013 | 27.3.13

Template Website free
http://www.mastemplate.com/

ទាញយក Template free ពីវេបសាយ ដើម្បីរៀនដោយខ្លួនឯង។

27.3.13

មើលវីដេអូYouTube ក្នុងល្បឿនអ៊ីនធឺណិតយឺតបានដូចចាក់លើកុំព្យូទ័រធម្មតា

មាន បញ្ហារអាក់រអួលក្នុងការមើលវីដេអូក្នុង YouTube ដែរឬទេ ? ដើម្បីមើលវីដេអូក្នុង YouTube បានល្អ ប្រិយមិត្តចាំបាច់ត្រូវមានល្បឿនអ៊ីនធឺណិតលឿន ប៉ុន្តែនៅទំព័រនេះ Sabay នឹងបង្ហាញពីរបៀបមួយ អាចឲ្យប្រិយមិត្តមើលវីដេអូក្នុង YouTube បានទោះមានល្បឿនអ៊ីនធឺណិតមិនសូវលឿនក៏ដោយ។

ចូល ទៅកាន់គេហទំព័រ YouTube ដើម្បីរកវីដេអូមួយណាដែលអ្នកចង់មើល បន្ទាប់មកចុច Mous ខាងស្ដាំលើ Link របស់វីដេអូនោះ ហើយយកពាក្យ Copy Link Location ដើម្បីចម្លងយកអាសយដ្ឋានរបស់វីដេអូដែលអ្នកចង់មើល។

ដើម្បីជំនួយការមើលវីដេអូ YouTube ឲ្យកាន់តែប្រសើរ ប្រិយមិត្តត្រូវដំឡើងកម្មវិធី VLC Media Player ។ ចុចទីនេះ ដើម្បីទាញយកកម្មវិធីនេះ។

បន្ទាប់ ពីបានដំឡើងរួចហើយ បើកកម្មវិធីនោះ បន្ទាប់មកចុច Ctrl+V អ្នកនឹងបានឃើញដូចរួបខាងក្រោមនេះ។ ចុចលើប៊ូតុង Play ដើម្បីសាកល្បងមើលវីដេអូដែលអ្នកចង់មើល ៕

27.3.13

ធ្វើម៉េចទើបរៀនសរសេរកូដឆាប់ចេះ?

និស្សិត ដែលកំពុងតែសិក្សាផ្នែកព័ត៌មានវិទ្យាមួយចំនួនគិតថា ការចាប់យកជំនាញសរសេរកូដបង្កើតកម្មវិធីកុំព្យូទ័រ ឬក៏បង្កើតគេហទំព័រ Static និង Dynamic ផ្សេងៗនោះ គឺពិបាករៀនជាងជំនាញបណ្ដាញកុំព្យូទ័រ (Computer Networking) ។ ថ្ងៃនេះ គេហទំព័រ Sabay សូមលើកយកវិធីសាស្ត្រមួយចំនួន ដើម្បីជាជំនួយដល់ការរៀបចំខ្លួនដល់និស្សិត IT ដែលកំពុងតែស្ទាក់ស្ទើរនឹងការរៀនសរសេរកូដ។

១.ព្យាយាមមើល Example Code ដ៏ទៃទៀត

ការ អានអត្ថបទផ្សេងៗនៅលើទំព័រអ៊ីនធឺណិតគឺសំដៅលើការអានអក្សរ ប៉ុន្តែសម្រាប់អ្នករៀនសរសេរកូដ គឺចាំបាច់ត្រូវផ្ដោតលើកូដដែលបានសរសេរក្នុងឧទាហរណ៍នោះ។ ព្យាយាមស្វែងយល់ពីឧទាហរណ៍ទាំងនោះ ថាតើគេសរសេរវាដើម្បីធ្វើអ្វី ហើយលទ្ធផលរបស់វានោះ នឹងចេញជាលទ្ធផលបែបណា។ កូដក្នុងឧទាហរណ៍ទាំងអស់នោះ មិនប្រាកដថាវាដំណើរការ ១០០% នោះទេ។

C program without Main Function source code

២. កុំគ្រាន់តែអានឧទាហរណ៍ទាំងនោះ ត្រូវសាកអនុវត្តវា

ពេល ខ្លះយើងមើលសៀវភៅ ឬក៏ Tutorial ផ្សេងៗ យើងអាចកាត់ន័យយល់ថា យើងយល់ពីអ្វីដែលគេលើកយកមកបង្ហាញ ប៉ុន្តែយើងអាចនឹងភ្លេចប្រសិនបើយើងមិនបានសាកល្បងអនុវត្តវា។ ដូច្នេះកុំភ្លេច សាកល្បងសរសេរតាមគេ ហើយកុំចម្លងកូដទាំងនោះហើយយកទៅ Compile (Copy ហើយ Paste )។ យើងនឹងទទួលបានចំណេះដឹងពី Syntax កាន់តែច្បាស់ជាងមុនប្រសិនបើយើងសម្រេចចិត្តសរសេរកូដទាំងនោះសារ ជាថ្មី។

ប្រសិនបើកូដទាំងនោះ ដំណើរការល្អហើយ កុំភ្លេចសាកល្បងបង្កើតវិធីសាស្ត្រសរសេរកូដមួយបែបថ្មីទៀត ប៉ុន្តែអាចបង្ហាញលទ្ធផលដូចឧទាហរណ៍របស់គេ។

៣.រៀនបង្កើតកម្មវិធីតូច ដោយរកនឹកសរសេរកូដដោយខ្លួនឯង

បន្ទាប់ ពីបានអនុវត្ត និងយល់ពី Syntax នៃការសរសេរកូដបានមួយចំនួនហើយនោះ ប្រិយមិត្តអាចព្យាយាមរកនឹកសរសេរកូនកម្មវិធីតូចៗ ដោយខ្លួនឯង ដោយមិនចាំបាច់មើលកូដរបស់គេ។ បង្កើតកម្មវិធីដោយខ្លួនឯង ប្រិយមិត្តនឹងបានជួបបញ្ហាចម្ងល់ផ្សេងៗទាក់ទងនឹងដំណើរការកូដ របស់អ្នក ដូច្នេះព្យាយាមសាកសួរពីសាស្ត្រាចារ្យ ឬក៏ស្វែងរកដំណោះស្រាយតាមរយៈអ៊ីនធឺណិត។ ពេលដែលអ្នករកដំណោះស្រាយឃើញ ហើយដឹងថាកូដរបស់ខ្លួនខុសកន្លែងណាហើយនោះ អ្នកប្រាកដជារីកចម្រើនមិនខាន។

C Programming ជាភាសាសរសេរកូដដែលអ្នករៀន IT ជួបមុនគេ

៤.រៀនប្រើ Debugger

តាម រយៈការប្រើប្រាស់ Debugger Tool អ្នកនឹងបានដឹងពីដំណើរការគ្រប់បន្ទាត់នៃកូដ ដែលយើងបានសរសេរបន្ថែមទៀត ថាវារត់ពីណាទៅណា ហើយវាឆ្លងកាត់តាមលក្ខខណ្ឌ និង Loop ត្រឹមត្រូវដែរ ឬក៏អត់។ យល់ពីដំណើរការនៃកូដកាន់តែច្បាស់ យើងអាចនឹងរកចំណុច Error នៃកូដរបស់យើង បានកាន់តែលឿន។

៥. ព្យាយាមរកប្រភពនៃកូដឲ្យកាន់តែទូលំទូលាយ

ព្យាយាម ស្វែងរកប្រភពនៃកូដតាមអ៊ីនធឺណិត ឬក៏សៀវភៅផ្សេងៗ ហើយព្យាយាមស្វែងយល់ពីប្រភពនៃកូដទាំងនោះ។ មិនយល់កន្លែងណា កុំខ្មាសគេឲ្យសោះ ! ដើរសួរគេ ហើយឲ្យគេពន្យល់ឲ្យបានច្បាស់។ គេហទំព័រមួយចំនួនអាចឲ្យយើងចូលទៅសាកសួរ និងស្វែងរកដំណោះស្រាយ ពីចំណុចណាមួយដែលយើងមិនយល់។ ក្រៅពីនេះ អ្នកអាចសាកសួរពីលោកគ្រូអ្នកគ្រូជំនាញ Programming ឬក៏ Programmer ផ្សេងៗដែលមានបទពិសោធន៍ជោគជាំលើការសរសេរកូដ។

សួរ អ្នកមានជំនាញ និងចេះច្បាស់ អ្នកនឹងទទួលបានការពន្យល់ដ៏ល្អមួយ។ ដូច្នេះបើមិនយល់កន្លែងណានោះ សូមកុំលាក់ទុក។ ស្របតាមបច្ចេកវិទ្យាបច្ចុប្បន្ននេះ វិធីទំនាក់ទំនងគ្នារវាង Programmer និង Programmer មានច្រើនណាស់។

អ្នក ខ្លះស្រលាញ់មុខវិជ្ជាសរសេរកូដ ប៉ុន្តែនៅពេលដែលចូលដល់មេរៀនជ្រៅទៅៗ បែរជាបែកគំនិតចង់បោះបង់ចោលជំនាញនេះទៅវិញ។ ចំណុចសំខាន់លើបញ្ហានេះ អ្នកសិក្សាផ្នែក programming ទាំងអស់ គួរតែស្វែងយល់ពីមូលដ្ឋានគ្រឹះនៃការសរសេរកូដជាមុនសិន ចាំឈានទៅរកការបង្កើតកម្មវិធីកុំព្យូទ័រតាមគំនិតរបស់ខ្លួន។ ទោះជាយ៉ាងណាក៏ដោយ ខាងលើនេះ គ្រាន់តែជាការផ្ដល់យោបល់មួយចំនួនតែប៉ុណ្ណោះ ហើយអ្វីដែល Programmer ចាំបាច់ត្រូវដឹងមុនគេនោះ គឺមូលដ្ឋានគ្រឹះនៃការសរសេរកូដ ( Basic Syntax , condition , loop និង Algorithm ) បន្ទាប់មកអនុវត្តហើយអនុវត្តទៀត៕

27.3.13

ចេះប្រើ Windows key shortcuts ណាខ្លះ?

ប្រហែល ជាប្រិយមិត្តមួយចំនួនបានដឹងពីរបៀបប្រើប្រាស់ shortcut key Window រួចមកហើយ។ ប្រិយមិត្តមួយចំនួនទៀត នៅពុំទាន់បានដឹង និងចងចាំបានស្ទាត់នៅឡើយទេ។ ដូច្នេះទំព័រនេះ Sabay សូមបង្ហាញពី shortcut ចាំបាច់មួយចំនួនដែលប្រើជាមួយ Windows key (WINKEY)។

+ WinKey shortcuts ខាងក្រោមនេះអាចប្រើបានគ្រប់ Version ទំាងអស់របស់ Window៖

Shortcut Key	មុខងារ
WINKEY + F1	បើកផ្ទាំង Help និង Support របស់ Windows
WINKEY + Pause / Break	បើកផ្ទាំង Property របស់ windows
WINKEY + D	បង្ហាញផ្ទាំង Desktop
WINKEY + E	បើកផ្ទាំង Microsoft Windows Explorer
WINKEY + F	បើកផ្ទំាង Search ឬ Find
WINKEY + Ctrl + F	បើកផ្ទាំងស្វែងរកកុំព្យូទ័រ
WINKEY + L	ចាក់សោរកុំព្យូទ័រនិងផ្លាស់ប្តូរគណនី
WINKEY + M	Minimize ផ្ទាំង Window ទំាងអស់
WINKEY + Shift + M	ធ្វើអោយមកសភាពដើមវិញបន្ទាប់ពីប្រើ WINKEY + M
WINKEY + R	បើក Run
WINKEY + U	បើកផ្ទំាង Utility Manager

+ Winkey shortcut ខាងក្រោមនេះអាចប្រើបានតែជាមួយWindows 7 និង Windows 8 តែប៉ុណ្ណោះ

WINKEY + 1->9	បើកកម្មវិធីដែលនៅលើTaskbarរៀងគ្នា
WINKEY + (សញ្ញា (+) ឬ (-) )	បើកផ្ទំាងWindow Magnifier ដើម្បីធ្វើការពង្រីកឬពង្រួមផ្ទៃ
WINKEY + Home	Minimize ផ្ទាំងWindowទំាងអស់ លើកលែងតែផ្ទាំង ដែលកំពុងដំណើរការ
WINKEY + P	ផ្លាស់ប្តូរការបង្ហាញរវាងMonitor និង Projector ឬ កំណត់ការបង្ហាញរបស់ឧបករណ៏បង្ហាញទី2
WINKEY + T	កំណត់Focusទៅលើកម្មវិធីនៅលើTaskbar
WINKEY + Left Arrow	ពង្រួមផ្ទាំងWindowអោយនៅសល់50% រួចបង្ហាញវានៅខាងឆ្វេង
WINKEY + Right Arrow	ពង្រួមផ្ទាំងWindowអោយនៅសល់50% រួចបង្ហាញវានៅខាងស្តាំ
WINKEY + Up Arrow:	ពង្រីកផ្ទាំងWindowអោយមក100%វិញ
WINKEY + Down Arrow	ពង្រួមផ្ទាំងWindowអោយនៅសល់ទំហំដែលយកបានពង្រួម

តើប្រិយមិត្តធ្លាប់បានប្រើប្រាស់ shortcut ណាខ្លះញឹកញាប់ជាងគេ? តើស្គាល់ shortcut ណាទៀតឬទេ? ប្រិយមិត្តអាចចែករំលែកតាមប្រអប់ comment ខាងក្រោមបាន។

27.3.13

របៀបលាក់ Folder នៅលើ Windows ដោយមិនប្រើកម្មវិធីជំនួយ

ការប្រើប្រាស់កុំព្យូទ័រជា ទូទៅ តែងមានការបើកចំហ និងលាក់បាំងសម្រាប់ឯកសារទាំងឡាយណា ដែលសំខាន់ៗ។ គោលបំណង គឺជៀសវាងការលួចចម្លង (copy) ក៏ដូចជាបើកមើលដោយគ្មានការអនុញ្ញាត និងលុបចោលដោយមិនបានបង្ការ។

ជឿ ថាប្រិយមិត្តភាគច្រើនបានដឹងពីរបៀបបង្ការជាច្រើនហើយមែនទេ? ការលាក់អាចមានច្រើនវិធីផ្សេងៗគ្នា ខ្លះលាក់តាម Folder Option ហើយខ្លះទៀតប្រើកម្មវិធីជំនួយសម្រាប់លាក់ដូចជា Hide Folders ជាដើម។
តែសម្រាប់ទំព័រនេះ Sabay សូមលើកយកពីវិធីសាស្ត្រដើម្បីលាក់ថតឯកសារ (Folder) ដោយមិនចាំបាច់ប្រើប្រាស់កម្មវិធីជំនួយណាមួយ ឬតាម Folder Option ឡើយ។ ចង់ដឹងធ្វើរបៀបណាខ្លះសូមតាមដាន និងអនុវត្តន៍ដូចជំហានបន្តបន្ទាប់ខាងក្រោម៖
១) ប្ដូរឈ្មោះ (rename) ទៅលើថតឯកសារ (folder) ណាមួយដែលអ្នកចង់លាក់ ដោយ select លើវា រួចហើយចុច F2 ដើម្បីកែឈ្មោះ។

២) ចុច Alt+255 ដើម្បីកំណត់ឈ្មោះ តែគ្រាន់ជាចុចដកឃ្លា (space) ដែលមើលពុំឃើញប៉ុណ្ណោះ។ ដូច្នេះ យើងមើលទៅហាក់គ្មានកំណត់ឈ្មោះអញ្ចឹង។ បញ្ជាក់៖ យើងវាយលេខបានតែនៅលើ (numeric keypad) ដែលនៅផ្នែកខាងស្ដាំនៃ keyboard ប៉ុណ្ណោះ។

៣) បន្ទាប់មកចុចស្ដាំ mouse ទៅលើ Folder នោះ រួចហើយរើសយក Properties។

៤) ផ្ទាំងថ្មីនឹងបង្ហាញ ត្រង់នេះសូមចូលទៅ “Customize” Tab រួចចុចលើប៊ូតុង “Change Icon…”។

៥) ផ្ទាំងថ្មីមួយទៀតនឹងបង្ហាញ ត្រង់នេះសូមរកមើល Icon ណាដែលពុំមានរូបរាងដូចក្នុងរូបខាងក្រោម៖

រួច ហើយចុចលើប៊ូតុង OK និង OK ម្ដងទៀតដើម្បីបញ្ចប់។ ជាចុងក្រោយយើងនឹងបាន Folder ដែលមើលទៅគ្មានរូបរាង (Icon) និងគ្មានឈ្មោះ បើមិន select លើវាទេ នោះយើងប្រាកដជាសន្មតថាគ្មានឯកសារនៅត្រង់នោះឡើយ។
ដោយឡែកសម្រាប់ប្រិយមិត្តដែលប្រើប្រាស់ Laptop ត្រូវអនុវត្តតាមជំហានខាងក្រោម៖
១) ជាដំបូងសូមបើកមុខងារ NumLock ជាមុនសិន ដោយចុចលើ key (Fn+NumLK)។ បន្ទាប់មក Select លើ Folder នោះរួចហើយចុច F2 ដើម្បីប្ដូរឈ្មោះ (rename)។

២) ចុច Alt+255 ដែលស្មើនឹង (Alt+k->i->i) ដើម្បីកំណត់ឈ្មោះ តែគ្រាន់ជាចុចដកឃ្លា (space) ដែលមើលពុំឃើញប៉ុណ្ណោះ ដូច្នេះយើងមើលទៅហាក់គ្មានកំណត់ឈ្មោះអញ្ចឹង។

៣) បន្ទាប់មកចុចស្ដាំ mouse ទៅលើ Folder នោះ រួចហើយរើសយក Properties។

៤) ផ្ទាំងថ្មីនឹងបង្ហាញ ត្រង់នេះសូមចូលទៅ “Customize” Tab រួចចុចលើប៊ូតុង “Change Icon…”។

27.3.13

៥ កម្មវិធីនឹងប្រែក្លាយទូរសព្ទរបស់អ្នកជាម៉ាស៊ីនស្កេន File PDF

តើ ប្រិយមិត្តធ្លាប់បានស្គាល់កម្មវិធីណាខ្លះដែលមានមុខងារថតរូបហើយ អាចបម្លែងឯកសារទៅជា PDF ស្រាប់ៗ ឬទេ? ដោយសារតែបច្ចេកវិទ្យាទូរសព្ទដៃកាន់តែទំនើបឡើងៗ បានផ្ដល់លក្ខណៈងាយស្រួលយ៉ាងច្រើនដល់អ្នកប្រើប្រាស់ស្ទើរតែគ្រប់ អាជីព។ ចំណែកឯការប្រើប្រាស់ smartphone សម្រាប់ការងាររៀន សូត្រ ក៏សម្បូរបែបណាស់ដែរ។
ជឿថាប្រហែលមានប្រិយមិត្តមួយចំនួនចង់ បានកម្មវិធីដែលមានមុខងារថតរូប ហើយអាចបម្លែងទៅជាឯកសារ PDF ស្រាប់ៗងាយស្រួលជាងថតហើយបញ្ចូលទៅក្នុងកុំព្យូទ័រសិនរួចទើបអាច បម្លែងបាន។ ទំព័រនេះ Sabay នឹងលើកយកកម្មវិធីល្អៗចំនួន ៥ ដែលមានមុខងារដូចបានរៀបរាប់ខាងលើមកបង្ហាញជូនដល់ប្រិយមិត្តដែល មានដូចខាងក្រោម៖
១) CamScanner (10MB)៖ មិនត្រឹមតែថតហើយអាចបម្លែងឯកសារជា PDF បានភ្លាមៗនោះទេ តែថែមទាំងមានមុខងារអាចកាត់តម្រឹមផ្ទៃឯកសារ ឬក្រដាសស្នាមផ្សេងៗបានយ៉ាងស្អាតពេញជ្រុង។ វាអាចស្កេនជាឯកសារ PDF បានច្រើនទំព័រជាប់គ្នា។ ពេលដែលបង្កើតជាឯកសារ PDF រួចវាផ្ទុកនៅក្នុងទីតាំងមេម៉ូរីម៉ាស៊ីន ត្រង់ថតឯកសារឈ្មោះ “CamScanner“។

កម្មវិធីនេះគាំទ្រជំនាន់ Android V2.0 ឡើងទៅ។ ដើម្បីទាញយក CamScanner សូមចុចត្រង់នេះ …
២) Document Scanner (3.2MB)៖ មិនត្រឹមតែមានមុខងារបម្លែងជា PDF បាននោះទេ តែថែមទាំងអាចឱ្យគេ upload ចូលទៅ Google Docs, DropBox និង Box.net បានទៀតផង។ វាអាចស្កេនជាឯកសារ PDF បានច្រើនទំព័រជាប់គ្នា។ កម្មវិធីនេះក៏អាចឱ្យគេជ្រើសរើសប្រភេទក្រដាស និងកម្រិតគុណភាពរូបបានផងដែរ។
លក្ខណៈពិសេសទៀតនោះ Document Scanner អាចឱ្យយើងទាញយករូបពី Gallery មកធ្វើជាឯកសារ PDF ជាខ្សែ ឬយកមកផ្គុំបន្ថែមជាមួយកាមេរ៉ាថតរូបបានទៀតផង។ ក្រោយពីបម្លែងទៅជា PDF file រួចហើយវាមានទីតាំងនៅក្នុងមេម៉ូរីម៉ាស៊ីនក្នុងថតឯកសារឈ្មោះថា “document-scanner-files“។

កម្មវិធីនេះគាំទ្រជំនាន់ Android V1.65 ឡើងទៅ។ ដើម្បីទាញយក Document Scanner សូមចុចត្រង់នេះ …
៣) Droid Scan Lite (ទំហំ 777KB)៖ មានលក្ខណៈដូចគ្នានឹងកម្មវិធីខាងលើ គឺអាចបម្លែងរូបភាពក្នុង Gallery និងរូបថតពីកាមេរ៉ាបានដូចគ្នា។ ឯកសារក្រោយពីបម្លែងរួចមានទីតាំងស្ថិតនៅមេម៉ូរីម៉ាស៊ីន ថតឯកសារឈ្មោះ “Droid Scan Extras“។

កម្មវិធីនេះគាំទ្រជំនាន់ Android V1.6 ឡើងទៅ។ ដើម្បីទាញយក Droid Scan Lite សូមចុចត្រង់នេះ …
៤) Scan to PDF (ទំហំ 1.2MB)៖ មុខងារ ដូចគ្នាដែរ គឺអាចថតរូបរួចបម្លែងជា PDF និងអាចយករូបភាពពី Gallery មកបម្លែងបាន។ ក្រោយពីបម្លែងរួច វាផ្ទុកនៅទីតាំងស្ថិតក្នុងមេម៉ូរីម៉ាស៊ីន និងមាននៅក្នុងថតឯកសារឈ្មោះថា “ScanToPDF_Free”។

កម្មវិធីនេះគាំទ្រជំនាន់ Android V2.0 ឡើងទៅ។ ដើម្បីទាញយក Scan to PDF សូមចុចត្រង់នេះ …
៥) ConvertToPDF Lite Version (ទំហំ 852KB)៖ មុខងារអាចស្កេនឯកសាររូបថតជា PDF និងបន្តគ្នាច្រើនទំព័របាន។ ក្រោយពីបម្លែងរួចហើយវាមានទីតាំងស្ថិតនៅមេម៉ូរីម៉ាស៊ីន និងនៅថតឯកសារ Android → data → br.com.tablet…converttopdf → file រួចមើលឈ្មោះឯកសារដែលយើងបានកំណត់។

កម្មវិធីនេះគាំទ្រជំនាន់ Android V2.3 ឡើងទៅ។ ដើម្បីទាញយក ConvertToPDF Lite Version សូមចុចត្រង់នេះ

27.3.13

ចង់សាកដាំឪឡឹកជ្រុងទេ?

ការដាំដុះដំណាំបៃតង តិចតួច ឬផ្កាចម្រុះពណ៌ក្រអូបសាយភាយនៅសួនជុំវិញផ្ទះ ប្រាកដជាធ្វើឲ្យមានអារម្មណ៍ស្រស់ថ្លា សប្បាយចិត្តជាក់ជាមិនខាន។ ប្រសិនបើអ្នកសាកល្បងដាំដំណាំប្លែកបន្តិច នោះអ្នកកាន់តែសប្បាយចិត្តអន្ទះសាចាំមើលផលដំណាំ។
ដូច្នេះ Sabay សូមបង្ហាញវិធីសាស្ត្រងាយៗក្នុងការដាំឪឡឹកជ្រុងសម្រាប់កម្សាន្ត និងអាចទទួលបាន ដែលជាទូទៅផ្លែនេះមានរាងមូល និងទ្រវែងតែប៉ុណ្ណោះ។

១. ជ្រើសរើសប្រអប់
ដើម្បី បានឪឡឹករាងជ្រុង អ្នកត្រូវដាក់ផ្លែ (ក្ដឹប) នៅក្នុងប្រអប់ជ្រុង។ អីចឹង អ្នកត្រូវជ្រើសរើសប្រអប់ដែលមានទំហំតាមចិត្តចង់បានរបស់អ្នក ព្រោះថា ផ្លែឪឡឹកនឹងត្រូវរីកធំធាត់តាមទំហំរបស់ប្រអប់នោះ។ ការរចនាប្រអប់ អ្នកត្រូវទុកគន្លឹះផ្គុំបិទបើក ដើម្បីងាយស្រួលនៅពេលប្រមូលផល និងទុកប្រើថ្ងៃក្រោយទៀត និងធានាថា ប្រអប់នោះ មានពន្លឺថ្ងៃចេញចូលគ្រប់គ្រាន់សម្រាប់សុខភាពផ្លែ។
២. ដាក់ក្ដឹបក្នុងប្រអប់
ពេល ដើមឪឡឹកចាប់ផ្ដើមចេញក្ដឹបល្មមគួរសម អ្នកអាចដាក់ក្ដឹបនោះក្នុងប្រអប់ ដោយប៉ះ និងរៀបចំដើមវាឲ្យប្រយ័ត្នប្រយែង ក្រែងលោងាប់ដើម។ ផ្លែនឹងរីកលូតលាស់ និងមានរាងទៅតាមប្រអប់ដែលអ្នកបានកំណត់។

៣. ស្រោចទឹក
ដំណើរ ការស្រោចទឹក និងប្រើជី ប្រព្រឹត្តទៅតាមធម្មតា។ អ្នកត្រូវធានាថា ផ្លែទទួលបានពន្លឺថ្ងៃគ្រប់គ្រាន់។ ពេលស្រោចទឹកយូរៗទៅ ប្រអប់ខ្លះអាចខូច អីចឹងអ្នកត្រូវមានប្រអប់ថ្មីត្រៀមទុកដូរ។
៤. ប្រមូលផល
ពេល ដែលផ្លែមានរាងដូចអ្នកចង់បាន និងជិតទុំ អ្នកអាចដោះប្រអប់ចេញ និងត្រៀមប្រមូលផល។ ធានាថា អ្នកនឹងសប្បាយចិត្តនឹងផ្លែឪឡឹកជ្រុងថ្មីមួយនេះជាមិនខាន។ អូ! កុំបារម្ភណា៎! ផ្លែនេះ អាចទទួលទានបានជាធម្មតាទេ។

22.3.13

E-mail Passwrod Viewer

Written By Unknown on Friday, March 22, 2013 | 22.3.13

E-mail Passwrod Viewer សំរាប់មើល Password Ms Outlook Express

Click Here to Download

Chea Sophanith

ធ្វើដូចម្តេច ដើម្បីកំចាត់ក្លិនស្អុយ ជាប់មកពីទ្រនាប់ជើង?

Written By Unknown on Thursday, April 18, 2013 | 18.4.13

Skype ជាភាសារខ្មែរ

Written By Unknown on Sunday, April 7, 2013 | 7.4.13

Template Website

Written By Unknown on Wednesday, March 27, 2013 | 27.3.13

មើលវីដេអូYouTube ក្នុងល្បឿនអ៊ីនធឺណិតយឺតបានដូចចាក់លើកុំព្យូទ័រធម្មតា

ធ្វើម៉េចទើបរៀនសរសេរកូដឆាប់ចេះ?

ចេះប្រើ Windows key shortcuts ណាខ្លះ?

របៀបលាក់ Folder នៅលើ Windows ដោយមិនប្រើកម្មវិធីជំនួយ

៥ កម្មវិធីនឹងប្រែក្លាយទូរសព្ទរបស់អ្នកជាម៉ាស៊ីនស្កេន File PDF

ចង់សាកដាំឪឡឹកជ្រុងទេ?

E-mail Passwrod Viewer

Written By Unknown on Friday, March 22, 2013 | 22.3.13

Sophanith Chea

Tokyo Kuch

Exchange Rate

អានព្រះគម្ពី

Popular post

Blog Archive

Chea Sophanith

I LOVE CAMBODIA

The Bible ( Jonh : 19: 26