Kagawa របស់ Man United អបអរ ក្រោយស៊ុតបាល់បញ្ចូលទីបីគ្រាប់នៅពេលជួប Norwich City។ AFP
វាគឺនៅក្នុងខែឧសភា ឆ្នាំ២០០៩ នៅពេល Kagawa ដែលកាលនោះលេងឲ្យក្រុម Cerezo Osaka ក្នុងពេលពួកគេជាមួយនឹង Mito HollyHock បានអបអរគ្រាប់ស៊ុតបញ្ចូលទីបីគ្រាប់តែម្នាក់ឯង ប៉ុន្តែស្ទើរតែរយៈពេលបួនឆ្នាំក្រោយមក រូបគេធ្វើបានម្តងទៀតក្នុងនាមជាកីឡាកររបស់ក្រុម Manchester United ដើម្បីនាំឲ្យមានភាពកាន់តែអស្ចារ្យបន្ថែមទៀតនៅក្នុងអាជីពរបស់ គេ។
ខណៈដែលក្លាយជាកីឡាករអាស៊ីទី១ក្នុងការស៊ុតបញ្ចូលទីបីគ្រាប់ ក្នុងមួយប្រកួតក្នុងក្របខ័ណ្ឌ Premier League ខ្សែបម្រើអន្តរជាតិជប៉ុនរូបនេះបានបង្ហាញនូវទេពកោសល្យដ៏គួរឲ្យ ចាប់អារម្មណ៍សម្រាប់ការបញ្ចូលឈ្មោះរបស់គេក្នុងជម្រើសទាំង១១នាក់ ដំបូងរបស់លោក Alex Ferguson សម្រាប់ការប្រកួតក្នុងក្របខ័ណ្ឌ Champions League នារាត្រីនេះជាមួយនឹងក្រុម Real Madrid នៅឯកីឡដ្ឋាន Old Trafford។
ខ្សែបម្រើ Michael Carrick បានព្រមានថា Man United ត្រូវតែ «លេងការប្រកួតពេញលេញមួយ» នៅពេលជួបជាមួយនឹងគូប្រជែងដែលធ្វើការវាយសម្រុកដ៏ខ្លាំងក្លា ហើយ Kagawa ដែលផ្ទេរក្នុងតម្លៃខ្លួន១២លានផោន (ស្មើនឹង១៨លានដុល្លារអាមេរិក) ពីក្លិប Borussia Dortmund ក៏សង្ឃឹមថា នឹងជួយពួកគេធ្វើដូច្នោះផងដែរ។
Kagawa បានឲ្យដឹងថា៖ «គ្រាប់បាល់ស៊ុតបញ្ចូលទីបីគ្រាប់របស់ខ្ញុំនឹងក្លាយជាព័ត៌មានដ៏ ធំមួយក្នុងប្រទេសជប៉ុន។ ប៉ុន្តែពួកគេពិតជាកំពុងតែសម្លឹងឆ្ពោះទៅមុខចំពោះការប្រកួត ជាមួយ Real Madrid ដែលនោះជាអ្វីដែលខ្ញុំកំពុងមានបំណងផងដែរ»។
ស្របពេលដែលការរងរបួសកជើងរបស់ខ្សែការពារ Phil Jones ធ្វើឲ្យរូបគេអវត្តមានក្នុងពេលជួបជាមួយនឹងក្រុមរបស់លោក Jose Mourinho កីឡាករ Kagawa អាចនឹងត្រូវបានផ្តល់នូវឱកាសនេះដើម្បីបំពេញបំណងរបស់គេ។
នៅក្នុងខណៈនោះផងដែរ Ryan Giggs ត្រៀមលក្ខណៈរួចជាស្រេចដើម្បីឈានទៅភាពអស្ចារ្យមួយទៀតក្នុងអាជីព ដ៏គួរឲ្យកត់សម្គាល់របស់គេនៅពេលដែលគេត្រូវបានរំពឹងថា នឹងបង្ហាញខ្លួនជាលើកទី១.០០០របស់គេក្នុងកីឡាបាល់ទាត់កម្រិត ខ្ពស់។
ខ្សែបម្រើចាស់វស្សាសញ្ជាតិវេលស៍រូបនេះ បានធ្វើឲ្យការបង្ហាញខ្លួនសរុបរបស់គេកើនដល់៩៩៩ដងកាលពីខែមុន ជាមួយនឹងគ្រាប់បាល់បញ្ចូលទី១ដើម្បីជួយឲ្យក្រុមខ្លួនទទួលជ័យ ជម្នះនៅលើទឹកដី QPR និងដើម្បីធ្វើឲ្យ Man United នាំមុខដាច់យ៉ាងឆ្ងាយនៅលើកំពូលតារាង Premier League៕ The Guardian & AFP/IS
កម្មវិធីប្រកួតនៅរាត្រីនេះ
Man United v Real Madrid
(លទ្ធផលជើងទី១ 1-1) - ម៉ោង2:45ទៀបភ្លឺ
បីប្រកួតចុងក្រោយរបស់ Man Utd ឈ្នះទាំង៣
បីប្រកួតរបស់ Real Madrid ឈ្នះទាំង៣លើក
ជំនួបពីរលើកចុងក្រោយ
23/04/03 Man United 4 - 3 Real Madrid
08/04/03 Real Madrid 3 - 1 Man United
Borussia Dortmund v Shakhtar Donetsk
(ជើងទី១ 2-2) - ម៉ោង2:45ទៀបភ្លឺ
ជំនួបពីរលើកចុងក្រោយ
បីប្រកួតរបស់ Dortmund ឈ្នះ១ ចាញ់១ ស្មើ១
បីប្រកួតរបស់ Shakhtar ឈ្នះ២ ចាញ់១
ជំនួបបីលើកចុងក្រោយ
21/08/01 Dortmund 3 - 1 Shakhtar
07/08/01 Shakhtar 0 - 2 Dortmund
Post a Comment